Пристап кон одржливост
Одржливоста е темелот на иднината, а Халкбанк ја гледа својата улога како двигател на позитивните промени. Преку стратешки активности, иновации и долгорочна посветеност, банката се залага за создавање рамнотежа меѓу економскиот напредок, социјалната еднаквост и еколошката одговорност.
Во 2024 година, Халкбанк ја иницираше програмата „Еден милион садници за пет години“ во партнерство со ЈП Национални Шуми, поставувајќи амбициозна цел за пошумување и подобрување на природните ресурси. Оваа иницијатива не само што придонесува за намалување на јаглеродниот отпечаток, туку и го зајакнува чувството на заедништво во грижата за нашата животна средина.
Во рамките на својата заложба за енергетска транзиција, Халкбанк активно дава поддршка на зелени иницијативи, како што се финансирање на изградба на обновливи извори на енергија и промоција на мерки за енергетска ефикасност. Банката нуди специјализирани финансиски производи за домаќинства и бизниси, фокусирани на инвестиции во изолација, обновливи извори на енергија и модерни системи за греење и ладење. Со ова, не само што ги намалува трошоците за корисниците, туку и значително придонесува кон заштита на животната средина и транзицијата кон климатски неутрална економија.
Паралелно, банката инвестира во дигитализација и одржливи технологии, овозможувајќи ефикасно и еколошки свесно работење. Со напредни решенија за банкарство без хартија, управување со отпад и намалување на енергетската потрошувачка, Халкбанк гради основа за еден поодржлив корпоративен екосистем.
Преку своите општествено одговорни проекти, Халкбанк продолжува да го јакне општеството преку едукација, поддршка на локалните заедници и промоција на социјална инклузија. Банката верува дека долгорочниот успех е втемелен во создавање дополнителна вредност за сите – клиентите, акционерите, вработените и пошироката заедница. Со високи етички стандарди и силна посветеност на иновациите, Халкбанк е посветена на обезбедување одржлив раст, подигање на свеста и предводење на позитивните промени. За Банката, одржливоста е не само цел, туку и визија за посветла и поодржлива иднина за сите.
Корпоратовно управување
Халкбанк ја препознава важноста на корпоративното управување како клучен фактор за долгорочен успех и одржлив развој. Во 2024 година, банката продолжи да ги унапредува своите практики, обезбедувајќи усогласеност со највисоките стандарди на транспарентност, одговорност и етичност.
Фокусирајќи се на иновации и дигитализација, Халкбанк ја модернизираше својата платформа за банкарски услуги, овозможувајќи им на клиентите поефикасно и поудобно искуство. Технолошките напредоци беа интегрирани во сите аспекти на работењето, не само за зголемување на оперативната ефикасност, туку и за промовирање на одржливи практики кои директно придонесуваат за намалување на влијанието врз животната средина.
Покрај иновациите, банката вложува континуирани напори за јакнење на односите со заедницата. Во текот на оваа година, акцентот беше ставен на поддршка на социјални, еколошки и едукативни проекти, како дел од својата долгорочна посветеност на општествената одговорност. Со посветеност кон одржлив раст, Халкбанк ја гради својата репутација преку професионалност, иновативност и одговорност. Во Халкбанк e втемелена корпоративната филозофија дека исклучиво мотивираните и задоволни вработени го даваат својот максимален придонес кон организацијата во која делуваат. За таа цел банката постојано инвестира во човечкиот капитал и во условите за работа.
Вложувањата во обука и развој на вработените дополнително ја зајакнуваат организациската култура, осигурувајќи дека сите членови на тимот придонесуваат кон постигнување на стратешките цели на банката. Корпоративното управување на Халкбанк не е само формалност, туку суштински дел од нејзиниот деловен модел. Оваа стратегија овозможува банката да остане доверлив партнер за клиентите и да продолжи да ги поддржува амбициите на сите засегнати страни – клиенти, акционери, вработени и заедницата.
За потрошувачите
Халкбанк останува посветена на обезбедување високо квалитетни банкарски услуги, создадени за да ги задоволат потребите и очекувањата на своите клиенти. Банката се позиционира како партнер кој овозможува сигурен и едноставен пристап до финансиски решенија, комбинирајќи иновации, технолошки напредок и персонализиран пристап.
Во 2024 година, фокусот на Халкбанк е насочен кон развој на дигитални платформи кои го олеснуваат секојдневниот пристап до услугите, истовремено нудејќи брзина, ефикасност и максимална удобност за корисниците. Со модерна инфраструктура и широк спектар на алтернативни канали, клиентите имаат можност да ги извршуваат своите трансакции без ограничувања, каде и да се.
Персонализацијата на услугите е во центарот на работата на Халкбанк. Банката постојано создава производи кои се прилагодени на специфичните потреби на своите клиенти – од поволни кредитни понуди до решенија за инвестиции и заштеди, со цел да го олесни патот до финансиска стабилност и напредок. Како водечка банка во поддршката на малите и средни претпријатија, Халкбанк нуди решенија кои поттикнуваат раст и развој на локалниот бизнис сектор. Преку партнерства со меѓународни финансиски институции, банката обезбедува финансиска поддршка што директно влијае врз економијата на земјата.
Во делот на кредитирањето на населението, Халкбанк продолжува да нуди конкурентни производи, следејќи ги трендовите и иновирајќи постојано во услугите за клиентите. Ова ги прави услугите на банката достапни, флексибилни и во согласност со современите потреби. Со стратегија што ги става одржливоста и иновациите на прво место, Халкбанк продолжува да го унапредува своето секојдневно работење. Преку комбинирање на високи стандарди за квалитет, модерни технологии и фокус на клиентите, Банката останува водечка финансиска институција што се истакнува со обезбедувањето на додадена вредност за сите клиенти, акционери, бизнис заедницата, општеството и животната средина.
За вработените
Во Халкбанк, вработените се најголема вредност и основа за успех. Тие не само што придонесуваат за растот и развојот, туку се и носители на остварување на визијата и мисијата на банката. Веруваме дека нивното задоволство и професионален развој се клучни за долгорочниот напредок на организацијата. Затоа, посветено создаваме средина која ги поттикнува да го достигнат својот целосен потенцијал.
До крајот на 2024 година, нашиот тим брои 832 вработени, луѓе со различни искуства, квалификации и перспективи. Оваа разновидност е основа за иновации и успех во динамичниот финансиски сектор. Преку посветена поддршка и континуирано вложување во обуки и едукација, создаваме услови каде што секој вработен може професионално да се надградува и да придонесе кон остварување на стратешките цели на Банката..
Во Халкбанк се практикува корпоративната филозофија со која се верува дека исклучиво мотивираните и задоволни вработени го даваат својот максимален придонес кон организацијата во која делуваат. За таа цел банката постојано инвестира во човечкиот капитал и во условите за работа. За нас е важно секој вработен да има можност за личен и професионален развој. Затоа, активно ги поддржуваме да учествуваат на надворешни обуки, семинари и конференции, каде што можат да стекнат нови знаења и да ги споделат своите идеи.
Дополнително, поттикнуваме иницијативи кои им овозможуваат на вработените да откријат и развијат свои нови таленти, проширувајќи ги рамките на традиционалните банкарски вештини. Во 2024 година, продолжуваме да ги унапредуваме условите за работа, ставајќи акцент на добросостојбата и балансот помеѓу професионалниот и приватниот живот.
Освен финансиските награди, внимателно развиваме и дополнителни придобивки, како што се приватно здравствено осигурување, можности за спорт и рекреација, како и системи за препознавање и наградување на постигнатите резултати. Нашата цел е да создадеме инспиративна средина каде што секој вработен се чувствува вреднуван, поддржан и мотивиран. Успехот на Халкбанк е резултат на заедничката работа, посветеноста и визијата на нашите вработени. Тие се нашата сила и двигател за иднината.
За општеството
Како дел од ова општество, Халкбанк создава вредности кои го унапредуваат секој аспект од општественото живеење. Овие вредности произлегуваат од реалните општествени состојби и процеси во економскиот, културниот, социјалниот и еколошкиот живот, кои постојано се трудиме да ги поддржиме и да ги издигнеме на повисоко ниво. Нашите активности се водени од принципот дека одговорноста кон заедницата е основа за создавање подобро и поодржливо утре. Дел од оваа одговорност, но уште повеќе како израз на нашето верување и посветеност, општествената одговорност за нас претставува можност за предизвикување и создавање позитивни промени.
Преку нашата платформа „Важни се луѓето“, вложуваме во бројни иницијативи што ја поттикнуваат заедницата да се развива. Со својата долгогодишна практика на поддршка на различни културни, образовни, спортски и други настани и проекти, како и оние насочени кон заштитата на животната средина, изградивме репутација на компанија којашто има висок степен на корпоративна грижа за општествените прашања. Нашите глобални планови за општествена одговорност се одвиваат во рамките на платформите – ХалкЕко која претставува наша зелена агенда, потоа Халки која е насочена кон поддршка за најмладите во делот на едукацијата и инклузијата, платформата - Чуварите на мудроста во чиј фокус е повозрасната генерација и платформата Вистински Слободна – за поддршка на жените претприемачки и за зголемување на финансиската слобода на жените.
Халкбанк во државата е препознаена и како еко ориентирана банка и како таква посветено работи на подигање на свеста за еколошки прашања. Нашите активности кои започнаа со апликацијата ХалкЕко, многу брзо се проширија, така што апликацијата прерасна во платформа преку која даваме поддршка на активности кои се во насока на поттикнување здрави животни навики и заштита на животната средина.
Во насока на одржлив развој и грижата за животната средина, Халкбанк оваа година го насочува својот фокус кон иницијативата „Еден милион садници за пет години“. Оваа иницијатива има за цел - не само да придонесе за позелена Македонија, туку и да ја поттикне јавната свест за значењето на екологијата и еколошката одговорност.
Садењето дрвја претставува симбол на нашата заложба за создавање поздрави и поодржливи заедници, а во 2025 година ќе го интензивираме нашето делување за оваа важна цел. Нашето внимание е насочено кон идентификување на предизвиците во заедницата и создавање решенија што ќе донесат позитивна промена. Со секоја акција и иницијатива што ја покренуваме, го потврдуваме нашето уверување дека, навистина, пред сè, важни се луѓето.
За животната средина
Планетата Земја е нашата најголема одговорност и наследство. Во време на зголемени еколошки предизвици, потребата за одржливи и одговорни активности е клучна за зачувување на животната средина. Халкбанк АД Скопје со својата посветеност на еколошката свест и одржливоста реализира бројни активности и проекти насочени кон подобрување на условите за живот и поттикнување на заедничка одговорност.
Една од најзначајните иницијативи на банката е платформата ХалкЕко, која ги поттикнува граѓаните кон поактивен начин на живот. Преку активности како пешачење, трчање и возење велосипед, граѓаните се вклучуваат во иницијативата за намалување на емисијата на штетни гасови. За секој изминат километар, банката засадува дрвја, претворајќи ја физичката активност во директен придонес за зголемување на зелените површини. Досегашните активности на ХалкЕко резултираа со засадување илјадници дрвја и разеленување на бројни урбани и рурални подрачја. Платформата вклучува и организирање на традиционални настани како велосипедската трка HALK VELO GREEN, обновување на јавни простори и уредување на урбани зелени површини.
Покрај тоа, ХалкЕко поддржува едукативни програми и работилници кои ја зголемуваат јавната свест за важноста на одржливите практики и заштитата на животната средина. Овие активности ја рефлектираат посветеноста на банката кон создавање на еколошки одговорна заедница и мотивирање на граѓаните да бидат дел од позитивните промени што го подобруваат квалитетот на живот за сегашните и идните генерации. Банката, исто така, посветува големо внимание на управувањето со отпадот, со што го промовира рециклирањето и правилната селекција. Со овие напори, Халкбанк создава пример за одговорност и ефикасност во справувањето со еколошките предизвици, додека истовремено придонесува кон заштита на амбиенталниот воздух и природните ресурси.
Во 2024 година, Халкбанк започнува нова амбициозна иницијатива – „Еден милион садници за пет години“. Преку оваа акција, банката планира до 2029 година да засади еден милион дрвја низ целата територија на Македонија. Со засадување на 20.000 дрвја во 2025 година, а потоа со динамика од 250.000 садници годишно, оваа иницијатива ќе придонесе за обновување на шумите, заштита на биодиверзитетот и создавање поздрава животна средина за сегашните и идните генерации. Халкбанк останува посветена на својата мисија за заштита на животната средина преку континуирано спроведување проекти кои ја поттикнуваат јавната свест, ги унапредуваат локалните заедници и придонесуваат за одржлив развој. Со заеднички напори, оваа визија се претвора во реалност, создавајќи поздрава и позелена иднина за сите нас.
За националната економија
Банкарскиот сектор е клучна алка во економијата на секоја земја, обезбедувајќи стабилност, раст и поддршка за сите економски учесници. Кредитната активност на банката игра витална улога во поттикнувањето на инвестициите и потрошувачката како значајни двигатели на економскиот развој.
Халкбанк се истакнува како пример на финансиска стабилност и поддршка на домашната економија. Со насочени кредитни активности кон населението и корпоративниот сектор, банката придонесува за растот и развојот на сите сегменти на општеството. Инвестициите во развој на иновативни производи и услуги, прилагодени на потребите на клиентите, се клучен елемент во стратегијата на Халкбанк.
Притоа, посебно внимание се посветува на поддршката на малите и средни претпријатија, кои претставуваат значаен двигател на економскиот напредок. Банката ја продолжува успешната приказна со значителен раст и подобрени финансиски перформанси. Во 2024 година, активата на банката достигна 1,85 милијарди евра. Растот на профитот изнесува 48%, што ги отсликува напорите за одржување на силна профитабилност и одржлив раст.
Кредитното портфолио бележи зголемување од 152 милиони евра, додека депозитната база достигна речиси 1,5 милијарди евра, со зголемување од 211 милиони евра. Овие резултати ја потврдуваат позицијата на Халкбанк како стабилен и доверлив финансиски партнер. Особено сме горди на рекордниот број исплатени кредити за населението, со вкупен износ од 189 милиони евра, како и на значајната поддршка за проектно финансирање во корпоративниот сектор. Овие успеси се доказ за посветеноста на Халкбанк кон поддршката на економскиот развој и зацврстувањето на довербата кај клиентите.