Порака од Реџеп Сулејман Оздил
Почитувани акционери, клиенти, партнери и соработници,
2025 година за Халкбанк АД Скопје претставува година на одржлив раст, засилена корпоративна одговорност и континуирано унапредување на корпоративното управување. Банката оствари силни финансиски резултати, со раст во сите клучни сегменти на работењето и дополнително ја зацврсти својата пазарна позиција, притоа останувајќи доследна на принципите на одржливост.
Посебно охрабрувачки е фактот што растот беше остварен паралелно со висок степен на стабилност, контролирани ризици, транспарентност, етичко работење и усогласеност со регулаторните барања и најдобрите меѓународни практики во корпоративното управување. Тоа претставува силна основа за долгорочен и одржлив развој на Банката.
Во текот на 2025 година, Халкбанк оствари значителен напредок во дигитализацијата, во развојот на нови производи и во унапредувањето на интерните процеси, препознавајќи ја дигиталната иновација како клучен фактор за конкурентност, ефикасност и подобро задоволство на клиентите.
Истовремено, Банката ја зајакна својата улога како одговорна финансиска институција, активно придонесувајќи за развојот на реалната економија, поддршката на малите и средните претпријатија, земјоделството и претприемништвото, како и преку бројни општествено одговорни и одржливи иницијативи.
Во сегментот на животната средина, Халкбанк продолжи да ги унапредува зелените финансиски производи, енергетската ефикасност и дигиталните процеси со цел намалување на јаглеродниот отпечаток. Банката ја препознава својата улога како финансиски посредник во поддршката на одржливи и еколошки одговорни проекти.
Во сегментот на општествена одговорност, Банката остана посветена на еднакви можности, развој на човечкиот капитал, поддршка на локалната заедница и заштита на ранливите категории. Преку едукативни, хуманитарни, културни и спортски иницијативи, Банката придонесе кон инклузивен и одржлив општествен развој.
Остварените резултати во 2025 година јасно покажуваат дека одржливиот пристап и финансиската успешност не се спротивставени цели, туку заемно се надополнуваат. Растот на Банката беше постигнат паралелно со високо ниво на стабилност, контрола на ризиците и заштита на интересите на сите засегнати страни.
Во претстојниот период, ќе продолжиме активно да придонесуваме кон унапредување на корпоративното управување, управувањето со ризици и стратешкото планирање, со јасна ориентација кон одржлив раст, дигитална иновација и создавање долгорочна вредност за сите засегнати страни.
Во мое лично име и во име на Надзорниот одбор, упатувам благодарност до Управниот одбор, менаџментот и до сите вработени за нивната професионалност, посветеност и придонес кон успехот на Банката. Благодарност и до нашите клиенти и партнери за укажаната доверба, која претставува нашата најголема обврска и мотивација.
Со уверување дека Халкбанк ќе продолжи да се развива како стабилна, одговорна и современа финансиска институција, со оптимизам гледаме кон иднината и кон новите можности што ги носи.
Со почит,
Реџеп Сулејман Оздил, Претседател на Надзорен одбор на Халкбанк АД Скопје