Порака од Реџеп Сулејман Оздил
Почитувани,
Халкбанк и во 2025 година продолжи да биде еден од водечките столбови на македонскиот банкарски сектор, со извонредни постигнати резултати кои зборуваат за стабилноста, посветеноста и успехот на зацртаните стратегии. Растот на кредитирањето, депозитната база и активата истовремено ја рефлектираат довербата која ја укажуваат клиентите и посветеноста кон обезбедување финансиска стабилност за секој сегмент на општеството.
Мисијата на Халкбанк секогаш била да обезбеди поддршка за секој сегмент на општеството – од индивидуалните клиенти, преку микро, мали и средни претпријатија, до големите корпорации кои ја водат индустријата. Горди сме и затоа што Банката е првиот избор за новоотворените компании, што зборува за посветеноста на Банката да ги воведе и придружува претприемачите и иноваторите во градењето на нивните бизнис-приказни. Со ваквиот пристап, не само што се обезбедуваат финансиски средства, се градат долгорочни партнерски релации, се поттикнува раст и се создаваат нови работни места и се остварува придонес кон стабилност на пазарот.
Една од основните карактеристики на Халкбанк е иновативноста, која продолжи и во 2025 година како основа за унапредување на клиентското искуство. Ние веруваме дека иднината на банкарството е дигитална, а нашите напредни технологии не само што го олеснуваат секојдневието на клиентите, туку на овој начин го поттикнуваме целиот финансиски сектор да се движи напред, во чекор со најновите трендови.
Сакам посебно да истакнам дека Халкбанк не е само банка која размислува за финансискиот успех, туку и партнер кој покажува корпоративна грижа за општествените прашања и дава силна поддршка на заедницата преку поддршка на најразлични културни, образовни, спортски и други настани и проекти. Особено сме горди што веќе пет години ја имаме нашата платформа ХалкЕко, преку која ги реализираме нашите заложби за борба против климатските промени и создавање поздрава животна средина за идните генерации. Како дел од нашите заложби за подобра животна средина, неодамна го започнавме проектот за засадување еден милион садници за пет години, со цел да придонесеме кон обновување на природата и справување со климатските промени.
Стратешките цели на Халкбанк и во 2026 година ќе бидат насочени кон зајакнување на нашата лидерска позиција на македонскиот финансиски пазар. Како дел од нашата посветеност на одржливоста, ќе останеме посветени и на општествено корисните проекти кои имаат позитивно влијание врз заедницата. Ќе продолжиме да создаваме стабилна и просперитетна иднина, каде Халкбанк ќе остане двигател на економскиот раст и иновациите.
Во име на Надзорниот одбор, изразувам благодарност до сите кои придонесуваат за успехот на Халкбанк.
Со почит,
Реџеп Сулејман Оздил, Претседател на Надзорен одбор на Халкбанк АД Скопје