ЈАВЕН ПОВИК ЗА ВОНРЕДНО СОБРАНИЕ НА АКЦИОНЕРИ НА ХАЛК БАНКА А.Д. СКОПЈЕ
Врз основа на член 41 од Статутот на Халк Банка А.Д. Скопје и одлуката на Надзорниот Одбор број 02-35074/10 од 14.08.2026 година за свикување на Вонредно Собрание на акционери, Халк Банка АД Скопје со седиште на ул. Водњанска бр.1/2 во Скопје, ги поканува акционерите да учествуваат на Вонредното Собрание на акционери на Банката. Вонредното Собрание на акционери на Банката ќе се одржи на 18.09.2026 година со почеток во 10.00 часот во просториите на Дирекција на Халк Банка АД Скопје на ул. Водњанска бр.1/2 во Скопје, со следниот:
Дневен ред
ПРОЦЕДУРАЛЕН ДЕЛ
- Отварање на состанокот;
- Утврдување на кворум;
- Избор на Претсeдавач на Собранието, записничар и бројач на гласови;
- Усвојување на дневниот ред;
РАБОТЕН ДЕЛ
- Усвојување на Записникот од Годишното Собрание на акционери на Халк Банка А.Д. Скопје одржано на ден 12.06.2026 година;
- Донесување на Одлука за усвојување на измените и дополнувањата на Статутот на Халк Банка А.Д. Скопје, со Предлог-одлука;
- Разно
Се повикуваат акционерите на Халк Банка А.Д. Скопје да присуствуваат и учествуваат на работата на Вонредното Собрание. Секој акционер што има намера да учествува на свиканото Вонредно Собрание е должен да го пријави своето учество на Собранието најдоцна пред почетокот на седницата на закажаното Вонредно Собрание или со претходно доставување на писмена пријава за учество на адресата на Банката:
Халк Банка АД Скопје
ул. Водњанска бр.1/2, 1000 Скопје
Со назнака „за Вонредно Собрание на акционери„
Секој акционер може да овласти со писмено полномошно заверено на нотар друго физичко или правно лице како свој полномошник коешто ќе учествува и ќе гласа на седницата на Вонредното Собранието во негово име.
Акционерите што поединечно или заедно поседуваат најмалку 5% од вкупниот број на акциите со право на глас, можат во рок од 8 (осум) дена од денот на објавувањето на јавниот повик за свикување на Вонредното Собрание да предложат дополнување на дневниот ред на Вонредното Собрание со барање за вклучување нови точки на дневниот ред и да предложат за усвојување одлуки по секоја точка кое се вклучени или ќе бидат вклучени во дневниот ред на свиканото Вонредно Собрание.
Акционерите можат да гласаат по точките од дневниот ред објавени во Јавниот повик и со пополнување на Образец за гласање со коресподенција, кој е објавен на интернет - страницата на Банката на следниот линк: https://halkbank.mk/.
Уредно пополнетиот Образец за гласање со коресподенција, акционерите треба да го достават во писмена форма во оригинал, со пополнето целосно име и презиме и своерачен потпис на акционерот-физичко лице, односно назив, седиште, печат и целосно име и презиме и своерачен потпис на законскиот застапник на акционерот правно лице.
Заради идентификација, заедно со пополнетиот Образец за коресподенција, акционерот-физичко лице потребно е да достави и копија од документ за идентификација односно акционерот-правно лице е потребно да достави и копија од важечка тековна состојба на правното лице и копија од документ за идентификација на законскиот застапник на правното лице. Пополнетиот Образец за коресподенција во оригинал и во прилог со погоре наведените документи за идентификација, со назнака „за Вонредно Собрание на акционери“ треба да бидат примени во седиштето на Халк Банка АД Скопје, на улица „Водњанска“ бр. 1/2, 1000 Скопје, најдоцна еден работен ден пред денот на одржување на седницата.
Предлагањето точки/одлуки по дневен ред се врши со писмено известување доставено на горенаведената адреса на Банката.
Предлогот се доставува во писмена форма во оригинал, со пополнето цело име и презиме и своерачен потпис на акционер(и) физичко лице односно назив, седиште, печат, цело име и презиме и своерачен потпис на законскиот застапник на акционер(и) правно лице.
Заедно со барањето акционерот задолжително треба да приложи и соодветна документација за идентификација и тоа:
- За акционер физичко лице се приложува:
- Копија од важечка лична карта или пасош
- За акционер правно лице се приложува:
- Последна Тековна состојба на друштвото издадена од Централен регистар во оригинал и
- Копија од важечка лична карта или пасош на законскиот застапник на правното лице.
Собранието ќе одлучува само за прашањата кои се уредно ставени на дневниот ред, согласно со Статутот на Банката и Законот за трговски друштва.
Гласањето по точките од дневниот ред ќе се врши на начин согласно Статутот на Банката и Законот за трговските друштва.
Акционерите можат да се запознаат со материјалите од дневниот ред по кој ќе работи Вонредното Собрание и со дополнителни информации согласно Законот за трговските друштва во просториите на Халк Банка АД Скопје секој работен ден од 08.30 до 15.00 часот или по претходно барање на акционерите материјалите ќе бидат доставени по електронски пат, на електронска адреса доставена од страна на акционерот.
Надзорен Одбор на Халк Банка А.Д. Скопје
Образец за гласање преку кореспонденција на акционер на Собранието на акционери на Халк банка АД – Скопје